＜關於放榜＞ 中學時期既自己都幾書呆子 臨考DSE果一年幾乎日日操past paper 試過壓力大到係班房做做下paper喊 當時好多人都話一試定生死 所以自己就日溫夜溫蒲自修室 而考DSE就成為左我人生中其中一件最努力既事 但到放榜果日 成績不似預期 但未到太差 叫做可以符碌入到想讀既科 但因為考唔到班主任同自己預期既成績 好記得自己喊住同班主任講對唔住 仲喊到甩左一隻con 咁多年過去了 先發現當年既自己係活係別人期望之下 同時對自己要求太高 變左會因為達唔到自己/人地既期望而自責 但唯一慶幸既係 今日既自己已經意識到呢個問題 而呢個試亦令我知道自己係可以好努力既人 放榜既成績除左幫我下一步升學之外 更多既係證明自己有為到未來好好努力 所以想同各位2024 DSE考生講 如果聽日放榜未如理想 揀唔到自己想讀既科 你要做既只係花多啲時間 兜個圈遊下花園 就會去到你今日想去既目的地 又或者發現另一個更適合你既終點 而呢段看似九曲十三彎既過程 我相信會令你既人生有更多既得著