講真條條大路通羅馬 DSE衰咗咪衰咗 今時今日香港嘅教育制度係垃圾又唔係第一日嘅事，好多人死背硬背，操大量唔知為乜嘅卷，結果考出嚟強差人意，咁其實又有乜所謂，只係DSE呢條路唔啱你，反正入U又唔係剩係得DSE呢條路，FD, HD, Asso又好，結果入到U咪得囉 讀FD HD ASSO仲可以讀自己鍾意讀嘅嘢 個成績一定好過你DSE唔知幾多倍 只要你夠努力就一定有U收（其實都唔係，正正常常都正路有U收，前提係交齊啲嘢，唔好做Pat屎，溫書考試正常溫） 不過一定要好清楚自己究竟為咗啲乜嘢讀，為讀而讀就真係冇乜必要，喺大學生泛濫嘅時代入面，有冇一個大學文憑其實都真係唔係咁重要（當然如果你要一開波就想年薪過百萬，一嚟就做經理級，咁就當我冇講過，或者瞓過覺先，夢入邊咩都有） 利申小弟係DSE 10分 > IVE > BU 純粹分享吓個人嘅case 希望大家都唔好咁有壓力 將來望返DSE其實都冇乜特別 只要繼續向前行其實就冇有怕