條佬從上星期開始已經計劃join佢個朋友去成都玩幾日，由於我唔會去，所以無人幫佢計劃所有嘢。 直至今晚，原本身明天出發嘅佢都仲未搞機票酒店。因為佢個法國朋友同佢一撚樣無啲擔帶，幾點飛到成都？住邊間酒店？一直唔清唔楚。叫佢問清楚咩？就嫌我煩。(係好煩㗎，鬼叫你係死鬼佬入境中國要係入境處俾人查勁多嘢咩，平時都係我搞掂幫你擋曬) 由於我真係唔想佢係屋企阻住囇，所以最尾我都出手幫佢睇下機票酒店送佢一程。問清楚佢朋友幾點到住邊間酒店，再上網睇清楚位置。真係唔出手都唔知佢哋係on9，佢朋友飛嘅機場根本同個懶佬想land嘅成都機場唔同，甚至佢朋友book 嘅酒店其實係離成都機場揸車兩個幾三個鐘，完全遠離咗成都😵我唔知講咩好 最後佢嫌煩所以放棄，因為佢都擔心無咗我係大陸搞唔掂，分分鐘係內地被人扣留戓者迷失在四川俾人偷器官。其實我大可以一早自告奮勇幫佢搞囇所有嘢，但今次我要惩罰佢，等佢知道平時佢唔帶腦出門嘅背後我做咗幾多嘢。😎