話說我而家陀緊第3胎，本身已有1女1仔。 今日去食南記嘅時候，遇到既經歷令我覺得有啲offended，所以好想打出黎抒發下。 食完碗麵，姐姐過黎執枱，望住我問。 （以下非exact wordings，但聽落係咁） 👩🏻‍🦱「仔定女呀？」 🤰🏻「仔呀」 👩🏻‍🦱「第幾胎呀？」 🤰🏻「第3胎喇」 👩🏻‍🦱「嘩，好犀利呀！想追仔呀？」 🤰🏻「😑唔係，我本身已經有1仔1女」 👩🏻‍🦱「啊，好叻呀，為香港貢獻」 🤰🏻「哈哈哈」 👩🏻‍🦱「而家唔夠人照顧老人家，你又肯生咁多個」 🤰🏻「哈哈哈」 係香港地好慘，經常都會感受到呢類stereotype。 1. 點解生3個一定係追仔 / 女 2. 點解生小朋友default係要用黎照顧老人家 雖然呀姐姐全程都係笑笑口講，但我幾乎每一句聽完都覺得好唔舒服🥲