TLDR：冇咩事唔想畀人劇透嘅話 睇謝票場一定係買映後談>>>>映前談🙏🏻 話說事前冇搵影評大綱，打算一張白紙咁去睇《情書》謝票場 順便一睹岩井大師嘅風采 但可惜，呢場係映前談👽 發問環節，有位應該係情書資深粉絲嘅女士， 就問岩井：「導演你好，咁我知道呢套戲就係sad ending啦⋯」 呢個時候半間戲院都開始起哄，示意呢位女士唔好劇透，咁正當以為佢會收口嘅時候，佢冇⋯ 佢繼續：「sorry呀因為我睇咗呢套戲好多次⋯呀咁導演呢有冇諗過延續個故仔，畀佢哋有機會喺起埋一齊呢？」 呢個時候，成間戲院空氣凝住了，跟住聽 到啲人接二連三唉聲歎氣，大概係發現呢個世界有啲嘢係控制唔到。 跟住翻譯聽完問咗句：「呢度邊個係第一次睇？」 過半人舉咗手。。 女士成功發出劇透彈畀半間戲院🙏🏻 而成套戲我就不斷地諗起男女主角係一齊唔到🥵