點解脆上面既全部都係小朋友😂😂00後，10後，太恐怖⋯ 恐怖故事： 話說曾經係外國讀書，同朋友夾份出去搵地方租屋住，有一次去到一間屋（間屋前租戶仲住緊未搬既），個間屋所在窗簾都唔開，間屋就好似暗暗沉沉，行到其中一間房門口，得突然好似失去身體既控制權，俾人控制走去開人地房門，想行入去個間房度，但個人係有意識既，間房入邊完全無開燈，黑到睇唔到入邊，但就偏偏望到有一雙眼望住我咁，我朋友見我咁奇怪走去開人地房，走去叫我又無反應，突然間扯住我隻手拉返我過去話你仲咩事，間房人地無俾你入去，個下我終於控制返身體，我無講任何野，但就同朋友盡快離開間屋，經過其他房發現頭先見到既幾個人明明係房度做緊自己野，但突然唔見晒人，但明明一兩分鐘前幾間房都有人⋯無可能咁快咁靜消失晒，我成個人啲汗毛都炸晒，我頭先見到既究竟係唔係真係有人⋯ 之後同個朋友離開左間屋後，同佢講左我頭先既情況，佢都完全唔出聲，只係話我地走啦，唔好再留係度⋯大家都無再提呢件事