我覺得自己產品嘅定價應該係由自己成本 時間 服務等因素去決定 所以我從來無試過扮客去問其他同行價錢 亦都未去過其他婚紗舖睇人哋啲野 可能我太佛系 覺得欣賞你嘅客自然會揀你 各有各做啦～ 但都明有啲人會想收集多啲數據或者睇下人哋係點 所以都試過有啲好明顯係行家嘅人約時間上嚟 不過其實好多時上到嚟都分到同feel到😂 另外更多係ig inbox問價時會問啲好少客人會問到嘅野 當然不排除係客人 但當問得太唔尋常都會sense到有機會係收集情報😂（相信好多人都經歷過😂）但我每次都會保持應有嘅禮貌去回答🙂‍↕️ 然後有一個人每年都會用返同一個ig account inbox小店去更新我哋個價目表一次 但又無約過上嚟嘅 每年都會簡單直接放低「幾錢？」呢兩個字 然後我答佢 然後佢睇完就會唔覆 到下一年又會重複 年復年好有恆心 我就繼續每次都好有禮貌咁答佢 我睇返啲對話 原來已經問咗五六年 斷估如果真係結婚嘅話應該唔會拖咁多年啩 話咁快又一年喇😂最近佢又再問我喇 其實無任何hard feeling嘅 純粹再loop嘅話我自己都覺得自己唚氣😂 到底仲覆唔覆好😂