暫時真係0想拍拖 已經冇咗以前對拍拖嘅熱情 真係好難會再相信任何說話同承諾 究竟點樣嘅人先可以令我對愛情有返新認知 我依家淨係知道以前嘅我一識鍾情係錯嘅 太快一齊實在太唔了解對方 都唔知對方想要啲咩 每一次相信對方嘅時候 期望真係好大 但同樣 做唔到嘅時候真係會好失望 依家每次諗起愛情 都會諗會唔會俾人呃 就算對方再真心都只會覺得對方只係暫時俾愛情蒙蔽咗雙眼 為咗追你真係天花龍鳳嘅承諾都講得出 分咗手之後佢哋係唔會為以前嘅承諾負責任 佢哋只會覺得你傻 咁都信 又或者可能佢連自己都呃埋 覺得自己做到 做唔到嘅承諾算唔算係呃？ 由認識到相愛到分開 你先會真正了解到嗰個人原來係呢個性格 三個階段 三個唔同嘅性格 究竟係咪我當時都俾愛情蒙蔽咗雙眼