啱啱請教咗dog trainer！分享一下🫶🏻 屋企地方好細係事實，用欄亦都唔係我最想嘅做法。狗狗領養義工希望同建議我地同狗狗做一段時間嘅欄內訓練，但我地其實好多時偷雞開欄。 啱啱請教dog trainer，話狗狗有認定呢個屋企係佢嘅安樂窩就冇乜必要用欄，而且又已學識定點去廁所，所以我同狗狗都好開心咁拆咗個欄喇☺️ 當初尋找狗狗時都有諗領養中小型狗狗，而坊間好多義工同狗主人都話，只要狗狗放電時間足夠，其實喺屋企好多時都係休息同訓覺，屋企大小唔太影響。 上梳化方面，老實講我唔介意狗狗上梳化，只係聽同睇好多唔同說法同個案，擔心狗狗上梳化會引伸其他行為問題，所以新手嘅我就想喺呢度請教下大家。 而dog trainer解釋有好幾個唔同原因，可能係想親近主人嘅味道，可能係屋企冇人時想做一家之主。而爬上櫃就係想企高啲，由高處望睇清楚所有野。Dog trainer話呢啲係分離焦慮嘅前奏，要慢慢努力同佢做training。 嚟緊我會先用物理阻礙狗狗上檯，始終怕佢危險，另一方面dog trainer建議做好分離焦慮訓練，等佢安心啲，可能可以改善上檯嘅情況。