吸引力法則小分享✨ 相信好多創業嘅店主同小妹一樣都係用自己打幾年工嘅積蓄嚟開，開到一個位堅持唔住，又出返去返返pt養住個studio，甚至乎結業，畢竟香港租金真係一個大壓力，搵埋搵埋都未必夠交租。 開業兩年，望住户口存款六位幾度落到三位，不斷浮浮沉沉，浮唔見得上到好高，但每一沉都比之前更沉，如是者前排打算真係直情返返ft算。內心好渴望搵返多啲錢。 然後五月開始，除咗本身做開嘅freelance & pt突然活躍起上嚟，好多好多job，一日返兩份，工接工，連舊公司都搵返自己返去。每日都好忙忙到前排，忙咗兩個幾月，日一份夜一份仲日日ot，有job就接，同自己講經濟唔好有得做就做。開始真係個人feel到chur盡咗，個念頭開始減弱，job都好似真係少返。 但都好感恩，好感謝上天，感謝大自然力量。本身唔係好信，但第二次感受到，真係好神奇。 依家只係希望全部job都會出返糧比我，阿們。