我們仨 《緣份到臨》 2023-09 本身係嚴重多囊體質，經期嚴重唔穩定，斷斷續續揾過唔同中醫調理，可能唔夾所以無太大效果，已經諗定最終可能要行試管呢條路先可以有小朋友。 原本打算11月會離開香港，去一個新國家重新生活，睇下轉換新環境，放鬆心情後會唔會有小朋友嚟做我哋嘅bb。係經期前幾晚開始，每日凌晨1、2點無啦啦會有強烈M痛感覺，以為係準備嚟M，點知原來係藍藍呢位小朋友嘅到臨。記得係28號果晚，同朋友講起果幾日晚晚都M痛，好似谷M咁，朋友提議不如驗下，等咗一陣見到驗孕紙上有1條深色線，1條好淺好淺嘅水印，果刻以為自己睇錯，但朋友話佢都見到有2條線先相信真係有咗小朋友。我哋2個仲驚喜到喊咗出嚟。 就係咁，係準備遞辭職信嘅前2日就發現呢位小朋友，成為咗爸爸媽媽日後嘅牽絆。係備孕過程中，經歷過期待同失落，但最終都會夢想成真。多謝藍藍你願意選擇做我地嘅小朋友，爸爸媽媽會一直陪住你，所有困難難關我哋都會跨過，會俾你最大嘅愛，陪你快樂健康成長。 🖤💛🩵