最近出兒科實習，同大家分享一個都幾難忘嘅故事。喺病房見到個17歲後生仔，本身今年考DSE。 佢入院係為咗照腦電圖，喺度等癲癇發作嘅時候可以照到一張腦電圖。咁我就同囝囝，仲有佢媽媽傾偈。佢話原來係半年前先開始有癲癇，之後就一直一個月四五次發作。第一次發作嘅時候，媽媽不知所措，又驚阿仔咬親自己條脷，於是將自己隻手指塞咗入牙仔個口度，結果媽媽隻手指就俾阿仔咬斷咗😨 真係偉大嘅母愛🥹 阿仔嘅故事並不順利。當發現有癲癇後佢哋就去求醫。初初用咗一隻藥(phenyltoin)，都幾有效可以控制癲癇。但冇幾耐食完藥發現全身起晒疹唞氣仲有困難- 竟然係對呢隻藥有嚴重過敏反應 (Steven Johnson)😨💔 之後當然就要轉約啦，但之後轉嘅藥都並不能有效地控制癲癇。所以一直到而家每個月都有四五次癲癇發作，係嚴重影響生活同學習，所以搞到仔仔今年都考唔到DSE，而佢一向學校成績都係名列前茅，有志要成為醫生🥹 同佢傾偈嘅過程中，佢一路係做緊數，二亦都感覺到佢好大壓力，聲線亦都好沒有活力 (後尾發現佢係有抑鬱嘅，但一直拒絕食藥)