啲人成日話屋企人會當你係屋企人，自從我結婚嗰日開始，我就認清楚其實所謂屋企人係咁啱同你有血緣。 唔係想放負或者扮慘，係忍咗好耐一直無講出口 你以為你媽同個妹係會一齊嚟見證你呢一刻，點知一個話太遠，一個話有假用剩先。 個件事之後已經成年，無人搵過你，無人關心過你，過時過節無人搵你返屋企食飯，好啦，你一定問我點解唔主動啲，想話咁多年嚟，9成主動係我，人都會心很累，我都係人。 家姐叻，生咗粒孫，阿妹好，因為一齊住。 我呢？自問細個反叛，讀書唔好，好啦，大個咗自己搬出去，然後慢慢進修，機緣巧合之下有人搵你開補習社，大家努力下開夠2間，然後又因為真係好想圓夢，退股去讀個top up degree，到跟住中途結婚，到依家買樓。 老一輩所謂嘅成功check list我都做到好多，可能係我做得唔夠勁啦，但結果呢？成27年嚟都無人讚過我一句叻女、生性。我都係只求我媽一句認同，可能你會話你唔係為咗人而活，啱呀，但我27年前已經釋懷唔到佢話我無用。 由頭到尾，我諗到我喺佢心目中唔叻嘅原因，就係冇俾家用。 講真依家係好後悔，點解自己咁無用，你自己耿耿於懷，但人哋完全冇在意過你，結果呢⋯⋯唉