睇住出咗世先2日嘅貓B就咁死咗真係好崩潰 唔知係自己救唔到佢 定係害咗佢 係十點幾嘅時候 發現呢隻貓咪比其他貓b凍好多 其他都有喺度叫同埋爭住食奶 但呢隻完全唔郁 唔叫 唔食 好似死下死咁 隊佢去媽媽奶嗰度 個咀都完全唔郁 貓媽媽都特別冇理過呢隻貓B 好似仲一手掉開咗佢 但係講緊貓B係要一至兩個鐘食一次奶 咁我哋就攞咗佢出嚟 諗住沖啲羊奶粉 人手餵 但係佢都完全唔飲 仲係唔郁咁樣 因為佢成個身都好凍 跟住個friend就話應該要幫佢保暖先 咁我哋就keep住由10點保暖到兩點幾 終於好似郁下 好似段片 咁我哋就開始餵奶 佢有少少擘大口咁 但係都唔知有冇飲到 驚佢會濁親 入鼻 都一直幫佢抹 咁就一直keep住保暖餵奶呢個動作 跟住唔知點解四點幾保緊暖停咗餵奶嘅時候 明明上1秒鐘仲呼吸緊 下1秒好似已經死咗 拎住喺手 佢好似冇呼吸 一直郁佢個身 但個身越嚟越凍 手腳已經郁都唔郁 之後慢慢變到僵硬 真係好崩潰 第一次面對生命係自己眼前死咗 真係好無能為力 生命係可以咁脆弱 我完全唔敢相信就咁就死咗 我係咪唔應該拎佢出嚟 俾佢喺媽媽嗰度 定係根本佢生命力就已經好薄弱 都係捱唔住 留言續