純粹一個觀察 係cm下面大大聲出征樓主唔出聲幫個女仔嘅基本上都係男性 無意討伐同針對呢幾個男人 只係想講返大部分女性無可否認physically一定會輸蝕過男性 所以當我哋懷疑一個男性有機會對女性圖謀不軌時 點都會有hesitation去正面抗衡對方 同埋撇除性別咁講 所有人遇到一啲突發事件 正常反應就係唔識反應或panic 即係鑽石山單案 都得一個酒樓職員夠膽反抗啦 唔好反駁咩圖中個男人又無揸刀 你又知佢唔會？你又知個女仔如果出聲 個男人唔會跟佢？無人知㗎嘛 有啲嘢 作為男性總係唔知或忽略女性日常體會嘅擔憂 你哋唔會明夜晚經過比較靜嘅地方時要瞻前顧後 怕有男人跟你尾個種感覺 你哋唔會明晏啲搭的士返屋企都要真打/扮打電話等男司機知你唔係落單以防萬一個種感覺 你哋唔會明 明明gut feeling話你知巴士/地鐵坐你隔籬個阿叔阿伯借啲咦坐到好埋 唔太對路 但又怕出聲俾人侮辱返轉頭 好委屈 谷住道氣嘅感覺 試吓唔好成日一嘢就話人 易地而處其實唔係好難姐