呢個時候我要自曝其柒。 本身同朋友討論咗好耐， 終於諗好三個To簽，包含哂我對三部曲印象最深刻嘅位，分別係： 圍城：烈火戰車跑步團 （洛軍練成功出關後同夥伴們一齊跑步嘅scene，雖然書裡都話BGM係Gonna Fly Now，但我個腦都係播Chariots of Fire，同埋Fire又可以係洛軍另一個名火兒） 龍頭：陳家祖傳皮褸 （陳家=陳占陳洛軍，祖傳=張少祖幫佢哋傳！） 終章：大叔的愛in九龍城寨 （大老闆同信一爭洛軍真係好似日劇第二季部長同阿牧啲婆媳糾紛……） 點知真係拎去簽時就出哂事， 首先唔知點解對自己咁有自信唔拎貓紙出嚟， 於是第一次俾作者簽書，一緊張就噏錯咗做「張家祖傳皮褸」 我：死啦，我噏錯咗，係陳家先啱… 🐟：咁…咁加返上去（畫個^）（又寫多個張字） 🐟：呀😮 我：呀😮 🐟：（劃咗佢寫返個陳字，同加咗個♥️） 今次塞翁失馬呀喂♥️😎 然後掛住簽《龍頭》同講件皮褸就唔記得咗另外兩本，最後夜晚再排過🤪