男女感情博弈論 case study 1 Edan林明禎單嘢冇咁簡單 第三篇（女方） 啱啱林明禎首次回應事件，當然就好官腔咁畀幾個微笑你然之後話同你係朋友關係就算啦！ 咁即係點？ 首先大家要清楚一件事，林明禎嘅單身同我哋嘅單身好大分別！當你係現今最紅嘅女神，要靚仔娛樂圈大把，要有錢又有大把老闆搵你做代言嘅時候，當然Edan就唔會係唯一追自己嘅人，而林明禎當然亦知道保持單身比拍拖對自己前途更重要。如果佢真係想搵個伴侶，前幾年已經搵咗兼結婚啦。所以睇得出林明禎係以自己事業為首嘅人。 所以結論係林明禎根本就冇諗住拍拖，同你flirt吓去下旅行食下飯冇所謂，Edan亦都唔係唯一一個。edan好可能只係林明禎行得前啲嘅一隻兵。 林明禎回應嗰篇表白文edan有畀自己睇過。喂！edan你唔係霸道總裁嚟㗎咩？點解要女仔嘅approval？咁樣點即時保護到個女仔先？唔通當自己女朋友畀人騷擾緊，你仲會問一句使唔使幫手先上？太有距離感了，咁樣似做兵多過做戀愛中嘅情侶喎。 呢件事上面，Edan某程度上賭上自己嘅事業。但係林明禎嘅位置就百利而無一害。 只可以講句，細佬你太年輕了 篇幅有限，下回再解