Interview 趣事 - 人膽大知識少 我今日去interview，有位年輕俊朗的 FC 嚟 in 我，我講完自我介紹之後，FC 想考我的 Accounting Concept，問咗我兩條問題，我答後，他表示錯，我話唔識，佢叫我用 common sense 再諗吓，我再答咗幾個答案（其實我亂撞答案），他也表示錯。 我話：如果在工作上遇到唔識答的問題，講真我唔會識晒所有野，我會用好多解決方法去尋求答案，例如上網 Google、問 Auditor、或者問朋友，你介唔介意我而家用手機 google 個答案？ 然後 FC 微笑地講解答案俾我知。 最後，FC 問我有冇其他問題想問，我見都好似冇乜機會見得成份工，與其問些虛偽問題，不如問我真心想問的問題。 我大膽地問：我真誠想問，剛才我答唔到你的問題，是不是代表我表現好差？ FC：都不一定，其實好多應徵者都答唔到。 其實 FC 由頭到尾都好有禮貌，沒有言語上刁難我，亦好有耐性心地講解答案俾我知，所以我之後都覺得長知識，有所得著，祝 FC 早日找到合適的人選，加入佢公司幫到佢手。