致登神圈姨母們（感性完再來個理性的！） 見到人用「呢個世界冇聖誕老人㗎」黎做比喻，大概就係我哋而家世界崩塌的寫照。 路人見CP粉覺得我哋白痴，好正常。我都始料不及自己沉船沉到落地核（以前成日笑登沉船，原來沉的只是我們。）理性分析吓自己如何跌落深坑，分享一下歷程，可能有人有共鳴，大家一齊互相扶持走出去。 首先，我會*迷*一個人冇可能「只」係因為佢咩唱歌好聽呀、靚仔呀咁。好多人似乎唔明白偶像/星同一個「歌手」「演員」「藝人」的分別。一個技能超卓的「繪手」，如何成為一個「畫家」？一個天籟之音的「歌手」，如何成為一個「歌星」？古早年前英國開始的選秀節目叫呢樣嘢做X Factor，也有講是性張力。任何範疇都好，技術能帶你到一個高度，再上一個level就是不能客觀計算的：魅力。我有很多喜歡的歌（紅歌唔紅人），也有喜歡的歌手（聽他們的歌就是了但我唔會去追佢個人），所以「追星」，我追的肯定是character（你可以cynical啲叫人設）。 登神痴線的地方在於，呢兩條友係一日三餐餵我地：幾時出門口、今日見左咩人、食咩、連樂壇靜香撈當晚用咩顏色浴鹽我哋都知。 (留言續）