突然間想分享下點解開頭會想讀/做社工 可能係以前嘅種種遭遇，知道一個人去面對絕對唔簡單，好容易迷失。所以好想好想有個人可以同我一齊行呢條路，俾我去信任，喺有需要嘅時候會企出嚟幫我、聽我講嘢、真心了解我。 正正係自己吃過唔少苦，明白冇朋友可以俾自己傾訴嗰種孤獨嘅感覺。更加希望幫到其他struggle緊嘅人。 再大個少少嘅時候，會多左了解自己個病，識多咗啲同自己有相似經歷嘅人。會發現雖然大家面對住種種不公，但都因為怕其他人嘅目光、閒言閒語，而唔鐘意去voice out自己嘅狀況，最後攞唔到啲好有用嘅support。 一路都覺得好可惜，好想做返少少嘢去改變而家嘅現況，幫到更多有相同經歷嘅人。 老實講，希望n年後嘅自己會記得自己寫過啲咩，應承過自己啲咩，最起碼可以做返個有良心嘅人。