臨近中秋 諗起好多前嘅中秋節 個時去咗老人中心做part time (時間不長 但發生好多趣事 有機會再分享其他故事) 個社工叫我打電話俾啲獨居長者 話要安排D義工上去探訪同送月餅 我打完就俾個名單佢睇吓 佢見到後面色一沉… 老細: 你啱啱打電話嘅時候有冇啲咩特別事？ Me: 咪係打電話過去， (指住張list)上面啲人話OK。 老細: 呢個x婆婆上個星期走咗啦喎…你點打過去架？ 我馬上嚇到面都青埋 ，再打個電話過去，….「此號碼已停用」 我好希望自己唔小心打錯電話 但係我好清楚岩岩真係打得通… 去到探訪嗰日我個心囉囉攣 因為我覺得呢個啊婆係到等梗我 內心掙扎咗好耐  我鼓起勇氣 去咗呢個阿婆屋企門口 放低咗個月餅 講左句，「慢慢食，好好走。」 係個晚發夢 我見到一個阿婆 好開心禁講 「多謝你 冇諗過我仲有機會食月餅」 然後就消失了 原來幫人完成心願 可以禁簡單。