TU 信貸評級 002 "查詢多係唔係會扣分?" 基本上分開3種查詢 (1) 自己查詢 - 係唔會影響/扣分/留紀錄，定時睇下自己信貸狀況係好事。 (2) 硬性查詢 - 當你向銀行 / 財務機構申請信貸時，例如申請信用卡、貸款，係會留低紀錄KEEP 24個月，係合理時段有硬性查詢出現，唔會有好大影響，但如果係短時間內，例如1、2個月有好多硬性查詢出現，就會令金融機構認為你周轉有問題，短時間出現越多扣得越勁，最常見中招係收電話話 XX銀行預先批核，之後叫你試下批，批左唔拎，硬性查詢都已經上TU，所以無需要就唔好貪得意批LOAN。 (3) 軟性查詢 - 有硬當然有軟，通常係你有LOAN在身，金融機構作REVIEW既情況出現，無咩影響，最緊要準時還款。 信貸評級