究竟點解兩餸飯可以咁平？ 話說前排公司附近新開咗間 諗住幫襯吓 本身我係想要兩餸+白飯，但阿姐以為我要淨兩餸 所以就淨係畢咗盒大兩餸俾我 咁我就同阿姐講: 唔好意思啊，我唔記得講要飯 想問吓淨白飯幾錢？ 點知阿姐話: 唔使啦 送盒飯俾你 然後阿姐就起勢咁畢飯 好似做善事咁 滿到個盒壓扁咗啲飯😨 我一路食一路諗點解可以做到咁平 30幾蚊我就得到一盒大兩餸，同一盒滿到瀉嘅白飯，究竟點做到，搞到我之後都唔敢再食 係佢啲食材太劣定還是其實同茶餐廳差唔多 只係以量取勝？