每見到虐貓狗既新聞都嬲到震，唔敢睇詳細因為實在太心痛同憤怒。其實本身個人真係冇愛心，無端端又要養隻狗養隻貓嚟虐待佢哋，就係等你哋唔開心嘅時候將佢哋嚟發洩？如果真係有咁嘅心態你嘅人生永遠都唔會好，第時真係會落地獄。 另外養貓狗之前真係諗清諗楚唔好因為生咗BB、隻狗有病、冇能力照顧、返工好忙等等呢啲咁不知所謂嘅藉口就遺棄佢地，其實貓狗嘅世界真係得我哋，對人真係好忠誠，俾咗個希望佢哋以為有個屋企，點知轉個頭就趕佢出街，或者搵佢哋嚟出氣，諗吓自己做嘅嘢幾殘忍，諗吓自己有冇人性，而作為一個人有冇覺得羞恥。 佢地有著最純真既靈魂，真係唔值得被人類咁對待。