冇嘢做講下香港投資風氣 過去香港人速食賺快錢同炒賣基因導致港股唔係一個長期投資ge market，當美股響covid 後大爆發後，全球投資一體化，IBKR 一間公司就將全個香港證券業收皮，而家個個都棄港炒美，對於投資者黎講，我覺得係一件好事，咁多年香港都係一班技術分析開班騙子作為投資教育主流，得返少量buy side 清泉會出黎講下正確投資觀念，所以即使香港券商好難做，但作為投資者係一個好進步 做左10年大firm，簡單一句，冇一個發達或者長期獲利ge 客係炒圖，每一個都係有自己ge edge 同想法，甚至有個個人客係炒到個戶口10億美金，都係用D估唔到咁簡單ge思維模式構建個策略，但絕對唔係望住d candle 去炒。 簡單一句，話自己技術分析致富，唔敢話完全冇，但係主要原因係開班教你跟住佢發左，試問一個人搵到穩定贏ge方法，點會分享出黎俾algo蠶食自己profit，真係賺夠俾你賺咩，大家發少D一朝致富ge夢，跟巴菲特先係王道。（利申：以前曾經信過技術分析，自從見到一個著名kol 個trading account performance 有幾咁垃圾，就醒覺一切都係騙局） 美股