人越大越唔想聽歌，太影響情緒。 控制到情緒唔代表你無情緒，只係你能夠控制唔用其他形狀表達佢哋出嚟，你可以內化慢慢排解，好似段譽第一次見到喬峰同佢鬥酒咁，喺手指尾少少、少少咁逼出酒氣，但入面其實一早煩惡欲嘔。 要處理佢哋係可以，但係好煩。 人越大越想個心平靜落嚟，靡靡之音，不了。