今日呢單野真係嬲到我唔開名都唔得，Steeles and Brimley 有間飯飯掂lucky pot 我今日同friend 2個人去食，叫左3個餸，第一個上來嘅豉汁炒蜆，8成嘅蜆都係得個殻，我忍唔住問佢D蜆呢，佢話喺碟底（細粒到仲要慢慢摷返出嚟），我地仲要一粒一粒咁數過，D肉嘅數量係14粒，殻係17粒，只有3-4隻係D 肉仲留喺殻入面… （我以前都去過好多地方叫過呢個餸，正常上到來會有D甩左肉，但都未試過8成以上都係空殻/甩曬D肉嘅） 服務唔得👎然後到埋單話只可以debit or cash，稅前48稅後55，我就諗住俾60 cash就算（本身唔想俾tips添）。點知更精彩嘅喺後頭，佢話$60唔夠，我反問佢點唔夠，佢話唔夠tips，我心諗「你咁嘅服務仲想要我俾tips？」我都已經勉為其難俾左成$5tips俾你，你好意思嘅？我反問返佢「點唔夠法？」佢話「要俾15%，人地美國嗰d仲唔止呀，要俾到18、20、25%」…我頂返佢「咁人地仲可以俾credit card 喎，你有咩」，跟住佢唔俾我地走，話要補錢補夠tips….我完全呆左….