呢幾排返工返到懷疑人生，每晚做到凌晨兩三點，又瞓得三四個鐘，想喺度放負🙂‍↕️ 其實，加拿大 嘅人工同香港嘅人工差唔多，但稅後我哋比香港扣多起碼15到20%，平均嚟講，大部分人都要交接近30%嘅稅，賺得多嗰啲甚至要交差唔多4x%。 早幾個禮拜，我分享過點解我想返香港，因為我比緊接近五成稅（avg: 45%, marginal: 53.5%, 四捨五入差唔多啦大佬)，當時仲俾人質疑話"吓, 你要賺到好好好好高人工先會比四成稅"。 講返我以前喺加拿大四大做嘢，年薪大概十幾萬加紙，當時稅率係3x%。後來跳槽去咗美國公司，年薪跳到去25到28萬加紙連花紅，仲未計其他收入，例如投資、副業、利息等等。 一計落嚟，我發現即使做80到100個鐘都唔一定值得，因為我完全係用條命去賺錢。成日都諗住自己隨時可能會猝死，生活只係得起身做嘢再瞓覺，連搵工嘅時間都冇。 一開始跳槽係為咗搵錢，但發現如果計時薪嚟講，我喺四大反而搵得多啲，因為嗰陣返工平均可能都係五到六個鐘，老細又冇咁chur，日子都過得幾開心。 大家可以諗吓，你哋嘅時間值幾多？如果賺得多但花哂時間去換，呢啲係你真係想要嘅生活咩？