最中意英國嘅天氣 今朝出門口返工嘅時候有啲陰天，行2分鐘已經開始落雨，去到車站直頭橫風橫雨（啲風真係吹到啲雨打橫）。上咗車風雨繼續，直至車行咗15分鐘，見到前面有少少藍天。落車時雨停咗，仲出太陽。 話「中意」唔係講反話。 因為其實天氣就係會不停變。响呢度唔會不停落幾日雨，又唔會永遠好天。依一秒出太陽，但你又唔知下一秒可能會翻風落雨。向好嘅方面諗，就係衰嘅總有一刻會停。落雨四圍濕唧唧，轉頭又曬番乾。好曬好熱好乾，可能吹陣怪風灑一陣雨又涼爽啲。 就好似用天氣去提醒自己，依一刻可能不如意，但唔係代表永遠。同樣，眼前有幾美好，亦唔未必永遠存在。 唔需要顧慮太多太遠嘅事，因為你唔可能掌握所有嘢，正如幾準嘅天氣預報都唔係一定啱。 要活好每一刻，做好面前嘅事，享受當下嘅一刻。 倫敦生活