murphie成長記 (趁士氣高昂快啲寫低) 最近為左準備兩星期後復工身心焦慮 因為全人奶關係 一向無理奶量嘅我突然進入了不斷量度的無間地獄 細節唔講了但慶幸而家放開了 中途崩潰邊緣更加掌握多左自己在意嘅係咩 亦同其他失意事一樣 再發現多左身邊邊個可以或唔可以承載自己嘅負面情緒 無啦啦睇到楊佑寧&老婆嘅 YouTube 剛好幾條 vlog 記錄左太太懷孕&生產後某啲過程 有一幕係佢谷奶谷到喊 近鏡錄低左 睇完莫名地療愈 想推介畀各位媽媽 😂 過去幾日都處於低沉狀態 不斷有覺得自己做唔到嘅想法 好消磨意志 但原來接受左唔得 然後重整目標後 慢慢行 就行得快 好老套 喺身體最攰嘅今日 個腦最清醒 記錄低提醒自己：可以嘅 ps 我覺得女人嘅能耐真係不能忽視 似乎咩都可以忍到，頂住 覺得唔係 “為母則強” 因為唔係母親限定