< Physics點樣拎5** > 有冇諗過 你用嚟刎屎張廁紙得一成會掂到啲屎 其餘九成係保護你隻手唔好掂到啲屎 大部分人會覺得要考5** (Cut-off ~90%)係要做啲好難嘅題目 而真正秘訣係掌握概念 可以不斷操練一啲基本且常考嘅題型 從中熟習解題思路 透過做題鞏固概念 認識一位亞洲物理奧林匹克比賽拎銀獎嘅中學師兄 (Physics超勁 嗰年全港得三個拎到) DSE物理只係Level 5嘅成績 DSE要考好成績嘅秘訣九成係靠防守 你要熟悉concept 訓練自己邏輯推理能力 操啱題型 打醒十二分精神睇清楚題目 挑戰極高難度嘅題目唔係唔好 但只係錦上添花 俾你拎到嗰兩三分 轉個頭大意唔記得轉單位/寫單位就已經唔見咗 望下今年份卷 你會發現出現屎嘅分數佔全卷比例不足5% 其實大家要諗諗公開試嘅機制 最top嘅學生一定係識得跟足考試規則(當然亦都可以同時係好醒，兩者並無衝突) 但智商絕非考評局嘅篩選條件 識得循規蹈矩 按部就班 就係公開試嘅贏家 要做好一件事 首要係用啱方法 向住錯嘅方向不顧一切向前跑 或者根本未知道條路應該要點行 係唔能夠帶你去到你想到達嘅目的地