迷走神經受到過度刺激 所以，當迷走神經受損有機會導致循環、呼吸、消化等功能失調。 迷走神經性昏厥的發病原因是，當身體的迷走神經刺激過度便會產生一些不正常反應，包括心跳減慢、全身血管擴張及血壓下降等。 在這個情況下，血液輸送量會大減，若血液未能如常傳輸到腦部，便會令人昏厥暈倒。 會唔會有呢個可能？

panic disorder, 情況應該係先心跳加速成身汗，開始聽唔到嘢，眼前一黑，但有知覺，咁叫panic attack, 你可能第一次係身體狀況唔好出現，久而久之你對坐地鐵變左一個condition引發你出現相同嘅問題， reinforce 你嘅驚恐Agoraphobia, 你近來工作或者家庭有冇特別嘅轉變令到你有壓力而你自己唔覺，可能係adjustment disorder, 及早睇醫生同佢講你可能係panic disorder, 睇吓使唔使轉介精神科，放心半年醫得好，最重要你想醫

可以係唔夠休息、血糖低，亦可以係情緒問題例如驚恐症導致你有呢個情況，最好真係睇吓醫生做檢查。

我都有呢個問題，唔同情況都發生過：多人車廂/血壓低嘅時候突然啲血上唔到個腦/panic attack

早幾年有一排都係咁，差不多每一、兩個月都會突然暈低，有時係公司，有時係地鐵，有時係街，每次都會失去知覺幾秒至幾十秒，好危險，成日call白車入急症室，睇過唔同中醫西醫都無用，都有懷疑係咪迷走神經問題。 終於有次去到急症室，話血指素好低，嚴重貧血，要留院觀察。留院期間check好多野，又建議輸血，輸完血，出院後再keep住食鐵丸，touchwood暈低情況減少好多好多。 建議你可以去醫院check下，先去急症室再轉介其他部門，希望幫到你。

我都成日都咁 中學到依架 成日都嚇親人

有機會係鉀低 我之前都試過 即刻去左醫院檢查

我自己都係迷走神經性昏厥，一開始都以為係冇食早餐血糖低，後尾發現trigger嘅位係企得太耐，隻腳用得太多血，冇血上腦就會暈

幾年前都係撘鐵就會暈 接近休克 有機會血唔上腦 做返運動跑返步 通返個人就好好多

學生時代有出現呢個問題，平均一年就會發生一次 企係度 / 坐低 / 行路中途暈低都有試過。 係雙眼發黑睇唔到野前，多數呼吸會變得好急促，個人不停出冷汗。用意志堅持唔暈低嘅話，通常都仲可以保持到有意識去 seek help / 自行搵地方休息。訓低休息就最快 recover到，唔得嘅話都搵個地方坐定定飲啖水 / 食粒糖，慢慢調節自己進行深呼吸，通常一分鐘內就復原。 曾經因為咁而去睇醫生抽血，當時醫生話係迷走性神經問題，幾時會發生係 foresee唔到。不過當時抽血報告亦有顯示我本身有啲缺鐵，所以醫生開左一兩個月鐵丸。食左之後，出現頻率減少左好多。 通常感覺到身體有啲不對勁（例如明明空氣流通，但硬係覺得好焗促）嘅時候就會黎料，就會即刻飲幾啖水同食粒糖打定個底先。做運動應該都有幫助，脫離學生時代後基本上都冇再出現過眼黑暈低嘅情況。 希望幫到你 🫶🏻