點解想識對象又唔想玩交友app？😔睇呢篇文就知道 先不論男方女方邊個啱，邊個唔啱 資訊太少，唔清楚佢哋見面嘅實際情況係點 可能男方見面個時表現太急進，所以女方先咁回應都唔定 從對話睇得出男方性格係比較認真，呢種性格唔太適合玩交友app，心會好累 而女方嘅處理手法其實可以好少少，佢以為冷落對方，對方會明佢意思 但對認真嘅男方嚟講，係種折磨嚟，尤其係對冇乜交友經驗比較單純嘅男仔 呢個就係普遍男女思維同價值觀嘅差別所造成嘅問題 女方唔理解男方，亦無心細思，結果傷害男方 有時花心男，就係由呢種被女性傷害過嘅單純男，長大之後變成 佢哋係被逼變得成熟，思想變得扭曲，然後報復女性 而被玩弄嘅女性受到傷害，又會對男性有偏見 形成一個惡性循環，所以交友app嘅生態其實唔係幾健康 想遇到可以穩定長久發展，性格又唔扭曲嘅對象，真係幾困難 可能花費大量時間精力都未必遇到，甚至結交錯誤對象