嗚啦~ 碎碎念時間~ 店主係一個咩都識啲嘅人💦 但係我自己覺得都唔係好精~😖 即係咁,可以見到有更加多嘅同行嘅技術係高過我,佢哋可以整得到更加複雜嘅嘢 我覺得自己唯一嘅優點就係識得好多唔同嘅嘢 除咗織嘢之外,針線,整衫,畫畫,整甜品等等 好似每樣都識啲~但係就唔係好叻... 我都唔知點解,可能係性格造成？ 有好多唔同嘅興趣,個腦都會有好多唔同嘅點子~ 但係就係唔會瘋狂咁做同一樣嘢 例如我鍾意畫畫,但係我唔會淨係想畫畫🤔 開呢間舖頭,大概係一時嘅衝動？ 但係其實一直都有想將自己嘅嘢賣出去嘅諗法~ 我有時會諗我啲技術好似冇其他人咁勁 會覺得呢個世界點都會有個人勁過我💦 我係咪唔應該賣嘢呢？ 就好似近排我想整啲新嘢 但係我又唔夠膽去做~因為成本啦~ 或者係我會驚我嘅技術唔夠資格,然後畀人鬧😖 雖然暫時冇人鬧過我,但係好焦慮💦 因為有時會見到人哋畀人鬧😵‍💫 唔夠位,佢咁少字數㗎🤣🤣 有興趣就喺留言睇埋落去啦~