如果城巴中標就死得啦，周圍全部都係九巴，仲要唔同佢哋搞轉乘優惠。安達臣唔似啟德由鐵路站，亦唔似皇后山咁78A可以搞掂鐵路接駁，更加唔似屯門54區由鐵巴接駁，而係分成兩區（安秀道及安愉道）。其實安達臣去遠少少嘅地方（如新界及港島西及南），都要經過多一層接駁。如果呢層接駁係九巴同城巴互轉，咁最慘嘅就一定係基層佔多數嘅安達臣居民。九巴起碼可以做到轉車優惠$4.2/免費（寶達邨轉車站變實用嘅可能？），咁樣唔單止可以令安達臣居民受惠，更加可以方便居民同外人轉乘新交通線，惠及市民。（Btw中環安愉道嘅線我僅支持聯營運作）