是咁的 話說尋日同先生&朋友去太子深水埗嗰邊影貓 有一間舖頭係賣懷舊玩具/昭和年代皿器 佢間舖頭有貓貓 (知道係邊間麻煩唔好開名🙏🏻) 本身喺門口影，之後貓貓入咗舖頭裏面，就跟住佢入去幫佢按摩同影相 (老闆同意情況下) 後尾見到有3個外表似中學生入咗去同玩貓 咁我就行開睇嘢俾佢哋同貓貓玩，之後佢哋上咗樓上，咁我都冇理 跟住重頭戲來了 老闆企收錢嗰位睇到閉路電視，用call機請佢哋唔好開閃光燈影相，後尾忍唔住上咗樓上同佢哋講 (老闆上去嗰陣我都喺樓上) ：阿小姐呀，唔該你唔好再用閃光燈影相，一係你就直頭唔好影喇，如果唔係我就請你離開 如是者老闆就落返去樓下睇舖，跟住嗰三個人其中一個女仔就話 ：佢話唔好用相機嗰閃光燈咋嘛，冇話唔可以用手機嗰電燈筒。咁我開手機嗰個咪唔係用閃光燈囉 (用一種覺得自己好醒嘅語氣講) 其實老闆已經好好人，佢本身貼咗個label寫住唔可以影啲貨。嗰三個人拎住啲貨影相老闆都冇話佢哋，淨係叫佢哋唔好用閃光燈。 《留言續》