< 心流 - Flow > 每人都一定有過嘅體驗 當你專注力高度集中做某一件事時 你會暫時忽略外界嘅事物，忘記時間嘅流逝 過程中你感到無比喜悅同享受 亦會發揮到比平時更高嘅效率 當呢個狀態結束時，你先發現原來已經過咗一段好長嘅時間 呢個狀態科學上被稱為「心流」 打機好容易進入心流，遊戲廠商將預設好嘅關卡由最簡單開始逐步引導你解鎖成就，過程中滿足馬斯洛需求層次頂端「自我實現」，不斷將潛能發揮而得到快樂與滿足 已進入心流嘅特徵： 1. 在乎過程而非結果 做呢件事非受外在因素例如金錢、名利或成績而驅動，工作本身就係一種獎賞回饋 2. 對事情具有一定程度掌控感 會有明確嘅目標，知道下一步應該要做乜，並有信心能夠完成 刻意令自己進入心流嘅手段： 1. 挑戰與技術嘅平衡 任務嘅難度同你擁有嘅技術/能力達到一定程度嘅匹配（見圖1） 2. 拆解成階段性任務 配合第一點，當技術水平未足夠時，需要刻意將你最終達到嘅目標切割成更多更容易達成嘅小目標 3. 排除干擾 營造一個清靜/冇引誘嘅環境，例如整潔嘅枱桌面、遠離電子產品，更容易令你進入心流狀態