因為嗰啲工呢 係就係請到人 不過做耐咗之後 公司覺得唔啱心水 咁就炒咗佢 因為我之前啲工 我都返緊工 一隻留意自己職位 之後畀我發現公司搵緊我嗰個職位 我就知道公司肯定好快炒我 所以我返工嗰段時間就搵過另外一份工 佢哋嗰啲工 永遠就係好苛刻嘅條件 我試過換影印紙 爭嗰幾毫米 佢都話我做乜唔加埋落去 影印機嗰啲紙係唔可以放高個線位 因為放高個線位好容易jam機呀 佢哋嗰啲同事 放出嚟嗰啲工作 有咁多放咁多 根本都冇咁多時間去做........ 最重要啲錢 唔係你出 公司大把錢 請呢個唔啱 就請下一個 佢哋所謂請人嗰啲上司 永遠就唔會覺得自己有問題 永遠都係我哋下屬有問題 有時要求人做嘢 有要求非常之高 例如好似影到product相咁 但係畀部玩具嘅dc仔我影 仲要畀啲普通補光燈我 點影呀大佬 嗰啲所謂得閒無事嘅高層 就會搵嘢嚟抽秤 依樣嘢話你唔啱嗰樣嘢話你唔啱 我已經不停咁做 不停聽佢指示去做 佢都非常之不滿 所以啲工點解永遠請到人 做得唔耐 就係啲高層阿頭 永遠對下屬好刻薄 樣樣嘢都計到盡 到最後啲嘢又唔係佢哋自己做返 呢個循環地獄佢哋自己承受啦