有冇人同我一樣冇中獎運兼經常遇上衰事，但衰慣咗反而開始享受遇上衰事？ 我叫得外賣，通常都係餓到極點冇精神/心機煮食，但偏偏喺咁 desperate 嘅狀態下就會遇上甩轆事。最常見係送漏食物，送錯地址都試過一次。作為易怒體質麻煩友，以前我係會一秒爆炸，但遇多幾次之後進化成會諗送漏嘢有得回水，講緊可能係套餐俾少 1/4 食物但退款係計件 item 原價，變相我用半價就獲得 3/4 份餐。 我間唔時要出 trip，差唔多每一次叫外賣都遇上同樣問題。好似美國食物份量本身連我呢啲麻甩佬都覺得偏大，送漏嘢將成份餐縮到變成正常份量，又可以回水 offset 埋運費同埋 tips，嗰種爽仲開心過中獎 😎 但因為實在發生得太頻密，我有陰謀論諗過係咪餐廳/員工同外賣平台有牙齒印，所以特登出漏食物，等外賣平台嘔凸賠返俾客 😂