有時偶爾無聊會用吓啲內地app 睇吓啲內地網民平時會討論啲咩，每一次睇到佢哋討論香港嘅問題嘅時候真係反晒白眼。 佢哋嘅認知同理解同我哋十分唔同，總括嚟講就係話我哋受到（殖民教育）嘅影響奴性太重，太過崇洋媚外所以唔承認自己係中國人，睇唔過眼佢哋發展得快所謂漸漸超過香港之類。 老實講，真係反駁唔到佢哋，因為即使你用真實嘅想法反駁佢哋好快你嘅言論就會被刪除（親身體驗），所以佢哋永遠都只可以自說自話，睇到佢哋應該睇到嘅嘢。 同埋呢最近內地平台刪除言論嘅行為特別頻密唔知點解，令人覺得十分奇怪。 頂，我連而家牆外講嘢都要自我審查一番，真係可悲🥱