讀邊科？搵份工，搵個另一半，咁就會有快樂，夢想就真係吾喺個個有！

先搵一份工，好好工作， 可以搵一份同你畢業科目相關工作，增加受聘機會。 當你一路做，就會慢慢知道自己想要咩野。 如果不去做新嘗試，什麼都不會改變。 問題在於，你想唔想改變現狀？

你入到神科，能力一定有 係你未搵到自信同方向而已 會思考自己想要咩，係好事呀 慢慢諗，慢慢試 你一定得架

搵份工維持自己基本生活先 唔需要係咩勁嘅工種 之後介紹你睇本書：被討厭的勇氣 之後介紹你去做運動🏋🏻‍♀️ 維持一定嘅生活規律 再慢慢摸索自己想要啲咩 每個人都有自己嘅時序 唔太需要逼自己一定要喺咩時間就要做啲乜

首先要認清一個事實，冇人比起你更需要對你嘅人生負責。 接受左你先可以喺你原生家庭問題move on，好多人做唔到，怨到一把年紀，就係個d用一生治癒童年嘅人，其實好可惜。有需要試下搵專業人士傾，解左個心結你會輕鬆好多。 冇錯，冇人提點可能會多左跌跌撞撞，但事實冇人會幫到你做人生規劃。Everything happens for a reason,第時你望返轉頭，就會知每一步都有佢嘅價值。 讀得神科唔會蠢，學下欣賞自己同愛自己多d 🫂

同你有少少似 細細個 爸爸幫我舖好路 入到港大法律 結果爸爸早逝 其他屋企人又無讀過大學 讀書嗰陣又唔特別鍾意呢一科 無點返過law intern，又無谷自己GPA Final year 望住成績表，覺得未入到靚firm 把心一橫，走左去做marketing & sales 😹 結果返完一年正職，人工長期得15k 望住人工高我一倍嘅同學，內心長期內耗 最後連工都裸辭埋，做左slasher， 認真研究身心靈 我會話我人生第一個轉捩點， 出現喺我發現自己對本科興趣不足， 結果真係俾自己一年時間去試。 返左好多份工，報過好多興趣班， 最後都係覺得對命理最有興趣 第二個轉捩點，係自己拎左幾皮上商業課程 俾錢嗰下真係好心痛，真係成份身家 但就真係終於識到資產多過我幾百倍嘅人 見到啲前輩讀書無咁勁，家底又唔係牛津劍橋 都做到咁嘅成就，你自然就會好有動力 自問真係讀到書嘅，就俾自己試多啲學多啲 十萬八千款技藝，總有一門你感興趣 揾到一樣自己真心鍾意嘅，自然就會有火 能力不足，可以磨練 性格內向，都可以令自己更外向 只要你想改變，其實你嘅明天充滿可能

營營役役一段日子會迷惘係正常既 我長期都迷惘緊，做唔到咩野大規劃 從有興趣既事開始探索下 歸咎過去改變唔到現狀 睇self-help 書，《被討厭的勇氣》應該幫到你

讀神科都自批能力不足… 可能你身邊啲人太叻？ 所以你咁都覺得自己能力不足？ 我同你現況一樣 但我已經三十到尾，宜家先讀high dip進修， 我有時都唔明點解人地有夢想有志願， 我由細到大都係冇😂我都有困擾過。 希望你都知道好多人其實都係咁， 唔好太去諗，夾硬諗其實會放大左個問題， 你宜家覺得唔快樂，不過多啲吃喝玩樂， 玩下運動，煲下劇，唔好對自己太高要求， 你已經做得好好👍🏻👍🏻

其實而家諗自己想點都未遲 仲咁年輕大把時間 唔好俾家庭背景影響到自己太負面 自己點過生活同點行條路都係自己選擇 加油

而家規劃人生 聽你咁講，你個背景已經好過好多人