珀斯生活 📍East Victoria Park 上個星期食咗呢間喺Vic Park開嘅米線舖，我應該唔會再去食，好似屋企煮仲似譚仔😂 佢個花膠雞係冇花膠。。。。花膠本身都冇咩味，完全唔知佢點解會話呢一個係花膠雞湯米線，個湯底又唔濃稠，佢個湯底係勁多藥材味嗰啲，如果女仔去食嘅話小心，唔好咁睇唔開嚟M嘅時候先去食。。。。🫣 再之前食過肥腸炸醬小窩米線，唔好俾佢哋餐牌張相呃咗，以為啲炸醬會一pat咁樣擺落去個麵到，碗麵出到嚟啲肉醬係散晒喺啲湯入面，仲有食食吓先發現原來冇俾紅腸，但佢哋加咗啲煙肉落去。如果佢哋無放煙肉會好好多🙂‍↔️🙂‍↔️🙂‍↔️ 仲有餐牌上邊嘅牛腩係一片片，但係上次朋友叫嘅蕃茄牛腩係一粒粒。。總之唔好信佢哋餐牌上面嘅相🤣 仲有一樣嘢就係佢啲米線嘅彈牙度唔係每次都差唔多，希望佢哋間鋪開耐咗之後會有改善，可能而家啱啱開未捉摸到。。。 其實間嘢啲味okay唔太伏嘅，如果你揀小窩米線嘅話。仲有我覺得間嘢如果唔打住香港嘅旗號會好啲。。。。 所以呢間我唔會放IG ，IG只係會放我覺得好味或一啲新開而我又覺得okay嘅舖頭🥹