嬰靈（1） 幾年前，有個事主話佢黑咗好多年，財運差，身體又唔好，叫我去佢屋企睇風水同埋做能量治療，到場後，發覺佢屋企的風水唔太差，但有一個男靈體係其中一間房內，做晒所有嘢後出外同佢傾有關靈體的事。 佢就講咗佢的故事比我聽 佢係三十幾年前，同老公女兒本來生活得好好，老公係公務員，自己和女兒也是上班一族，有自己物業，有股票投資，生活無憂。 一日，佢發現自己有咗BB，呢個消息完全是佢嘅意料之外，佢當時覺得，如果生咗呢個BB，就會為佢哋帶嚟沉重的經濟壓力和負擔，於是同佢老公商議後，決定唔要呢個BB 係佢做完手術後幾個月，佢本人好似不受控制咁，瘋狂地炒賣股票，買摃扞果啲，好快輸好多錢，佢就將啲積蓄攞出嚟再買；結果再輸，之後佢就去借大耳窿，認為一定可以返本，結果當然又繼續輸。最終輸晒身家再欠大耳窿百幾萬。。。