『竹昇妹學中文之路』👧🏻🇨🇦🇭🇰 識我嘅人就知我叫繆穎琦。我呢個姓『繆』好多人唔識讀因為。。。我地冇乜人“姓” 😂 哈哈哈，講笑～ 但係其實我個姓名唔係好多人識讀因為呢個姓有幾個讀法，而我嘅讀法就係 『茂』 話說有一次我喺屋企整曲奇餅嘅時侯，唔小心整親隻手，就去搵跌打醫師幫我醫。 醫師：你點整親隻手㗎？ 我：我整餅整親㗎 🥹 醫師：吓？？你整餅整親？？你估你係阿“茂”咩! 超級驚訝嘅我心諗，呢個醫師咁勁既!! 😱 佢竟然知道我姓繆(茂)! 呢個師傅真係好犀利呀，唔單只識睇病，仲識睇相! 痴線!! 然後我好興奮咁同佢講。。。 我：係呀!! 我真係阿繆呀，你點知既？？？你好犀利呀!! 醫師笑咗好耐。。。然後我媽咪同我講。。。 媽咪：阿女。。。佢係想講阿茂整餅，即係話你冇嗰樣整嗰樣 🤦🏻‍♀️ 我：原來係咁 🤡 多倫多 多倫多 多倫多