友誼小船翻唔翻好 - 尊重呢？ 續噚日問嗰條高深問題，我決定分享我個情況🤡 同呢班朋友十零人，識咗接近20年，我都只係20到尾，真係可以話由細玩到大。 我就不嬲都E人，成日約大家岀嚟，而我都唔介意做搞手。不過自從岀嚟做嘢之後，約到齊人嘅機會愈嚟愈少，大家都忙所以我好珍惜難得約到嘅時間，frequency 少唔緊要，少到一年先見一次都唔緊要，quality time高咪得。 但近年約岀嚟，差唔多次次都可以有人無原因地話嚟唔到，細group兩三個咁約就可以遲幾粒鐘到，甚至試過成個人唔岀現，打電話又唔聽，幾個鐘之後只係講一句「我以為你知道我想放飛機添」，全程no sorry 但班人又成日話約未約未，好似我搞係老鳳咁，搞完一個二個又遲到早退唔嚟，我就係覺得好0尊，其實十個人約起嚟真係小型event咁。我有次過發過佢哋脾氣，但又畀人覺得我好小題大做😓 到底識咗得多年係咪就係可以咁老鳳⋯⋯？好多人都話咁樣真係好可惜咩咩咩，但咁落去我真係好難受😪