كفي نزوح وتعالوا ع شمال غزة وإن شاء الله يكون مطعم فهد للشاورما بانتظاركم، واخ علي فلافل السوسي يا ما أزكاة، وبوظة وبراد كاظم يا سلام. تروح تشتري بشيكل ترمس من أبو زكريا ملك الفول النابت، وتقعد بمنتزه الجندي المجهول شوي. تتمشى على الميناء، وتتصور عند جامع الحساينة، وتقذدر لحتى توصل دوار الـ17، وتقعد على الكورنيش، وتشوف سيارات الأفراح والفدعوس وهي رايحة جاي، والفرحة الكبيرة من الناس وزحمة السيارات. وإنتا مروح توقف سيارة ع الخط وتحكيلو: "بدي أطلع معاك، طلب توصلني.بخمسة شيكل"