好煩惱，有冇有BB嘅人可以分享吓，將BB俾工人姐姐湊定係長老湊好？目前BB七個月大，我哋自己一家三口住，冇請工人姐姐，兩公婆都返工，BB目前就一個禮拜有四日喺婆婆度瞓，然後三日就我哋放假輪流自己湊，而家婆婆成日都話要去旅行呀冇自由呀，好似想去邊都要同我請假咁(BB出世之後其實都俾佢飛咗兩次)，好多說話聽,但係所有嘢喺生BB之前已經傾好咗，當初係佢唔同意我請工人，話驚工人虐待BB，佢唔放心，但而家就反口話自己冇講過，成日都好多說話聽真係好煩，但佢又真係好錫好錫我個囡。 請工人姐姐好處係工人姐姐一個禮拜都係放一日假(而家我阿媽係放三日)仲可以做埋家務,但係壞處係好嘅姐姐可遇不可求，遇到唔好嘅可能唔錫小朋友，甚至偷嘢各樣。 婆婆繼續湊嘅好處係佢一定好錫佢個孫，會好放心唔使驚佢俾人虐待先，但我俾婆婆湊嘅錢係工人嘅一個Double有多，但係婆婆呢就會嘢食嗰啲全部自己俾錢買(奶粉尿片生活用品我哋提供)，仲會好用心整唔同嘅嘢俾佢食，重點係而家成日有說話聽真係好煩，請唔請工人好？