撇除關係 Day5 咁就5日了，變得越黎越好了😌 今日冇太多複雜嘅感想，諗起佢就係覺得越黎越放低了 但係我發咗個夢，夢入面佢話佢後悔，掛住我，但係我好記得我同佢講嘅係「你要知道，你同你女朋友一定係過得開心過同我一齊好多倍。而我嘅愛你，已經唔係死都要你同我一齊，而係我要你過得開心，雖然我放低緊你，但唔代表我以後都唔愛你。我愛你，所以見到你開心我就足夠了，所以我想你同你女朋友一齊幸福咁過埋落去」（當然如果佢覺得同我一齊開心啲我都會接受，畢竟我擇偶條件係佢👀即係咁講 我依家都認同一句野「可以遇到一啲合適兼相愛嘅人真係好難，而同一啲只係相愛但唔合適嘅人一齊就好難會forever。好多都只係同啲合適嘅人一齊，過得舒服就ok」可能我會係搵個合適嘅人就算，但係佢其實都好幸運，可以遇到個相愛而且合適，所以佢之前同我講佢想同條女forever依家諗起都戥佢開心😌 btw要吐槽一樣野，我第一任係個咁優秀嘅人，所以我嘅擇偶條件都幾乎係同佢一樣，呢個難度真係大到爆炸🚬真係有個好開局，但係結局爛尾🚬 最後……今日去咗柴犬cafe，搞到我勁想養柴犬，佢哋真係好cute cute😍😍😍