終於睇埋《反起跑線聯盟2》的大結局⋯終於忍唔住「被洋蔥」了！呢15集，真係好好好好睇，除咗小朋友的「教育線」之外，「感情線」、「友情線」同「家庭線」都寫得好好，不浮誇造作亦好多感動位！ 睇開頭果幾集，我會覺得冼老師太嚴厲太old school…但睇下睇下，又會被佢果種對工作認真及對學生負責之態度所吸引！小朋友的眼睛是雪亮的，會知道老師愛不愛/在不在乎自己的⋯難怪果班小朋友們最終都會努力維護冼老師同好唔捨得佢離開！ 教育線方面，突然覺得冼老師果套「嚴厲教育」未必一定是完全錯的：對部份同學如Julia, Billy, 瑤瑤）似乎能推使其學習能力再進一步；但對Martin呢類小朋友，就似乎沒有多大用處了！這就正如家庭教育，沒有一套方法是絕對適用於所有孩子，所謂的「the best」就是老師和家長按孩子的性格和能力選取最適合的方法，咩方法都好，「愛」和「尊重」呢個元素是當中最最最重要部份！ 家庭線方面，除咗兩個單親家庭的父子情同母子情好扣人心弦外，楊生和楊老先生以及羅太與羅老太和好的故事亦好感動-做任何野都是會有代價的，但原諒也是一件可以令自己釋懷的事嚟！ （留言續） #反起跑線聯盟2