餵人奶先知嘅事 1。原來身體會散發奶味，長期聞到自己有陣味 2。生完由無奶到有，到谷奶到身體根據 bb 調整奶量，我覺得自己上左一堂 bio practical class，本人係實驗品又係 lab tech 3。親餵見到 bb 咀有奶先覺得胸入面真係有奶 4。有時放好位畀 bb 會撳到個胸，噴到佢成臉係真係唔好意思 5。雖然好似好偉大，但乳頭滴奶出嚟呢件事好衝擊亦好 turn off。對自己 (僅餘的) sex appeal 完全失去 😅 6。餐與餐之間會感受到製奶中，好似電腦 loading 咁。如果有 progress bar 睇就好 7。心情長期矛盾。又怕自己唔夠奶，但當“製奶”中胸部吉吉痛又唔舒服 (只係會習慣左，個人係仍覺得係一個唔舒服嘅感覺) 8。漏奶係個人覺得最困擾嘅事。瞓覺有時 bra 個位移左，起身成件衫都係就火都嚟埋 9。我覺得啲奶好似好淡嘅維他奶 10。泵奶會見到啲奶柱。人體真奧妙。但同時覺得好原始，係一隻牛 11。而家先知乳頭可以甩皮，出血 & 生水泡 12。想盡力餵得幾耐得幾耐但其實我好想奪回乳房自主權 😂 13。掛“胸”後我會好好報答佢 母乳媽媽